Photo：二彤、Barry

有时经常打边炉难免燥热，如果好似我Dining娜咁係个火锅控又怕热气，食 台式火锅 就啱晒喇！因为佢主要用唔同嘅药材炮製成台式药膳火锅，养生得嚟，最重要係补而不燥，喺呢个準备入秋嘅季节食就最啱！

我讲嘅就係养心殿台式养生锅，佢哋专供6款健康养生汤底。除咗旺角，佢哋上个月刚刚喺铜锣湾开新店，我班港岛区工作嘅朋友即刻拉队去食，个个都话味道够晒正宗，而且唔少配料都好地道，就连多款新鲜蔬菜都係台湾直送，当中几款喺香港仲几少见添！

台式火锅 地道罕有靓菜

我班闺密个个都话食火锅要食得健康，先无罪咎感，大家都盛讚养心殿有多款台湾靓菜选择！而且每日由台湾空运直送，新鲜之余，又够特别，喺香港唔容易食到。例如原条珍珠笋、台湾水耕菜，两者都可以生食或者灼熟食，清爽带少少甜味。9至10月，店主就推介大家食台湾时令嘅翠丝水莲菜，佢纤维高、含丰富维他命B12，亦有排油作用，质感係菠菜同韮菜花之间，口感唔错，係今期食 台式火锅 嘅必点靓菜。四季都有嘅台湾A菜、青江菜，好有菜味，都係热卖蔬菜，店主强调，台湾A菜并非油麦菜，係正宗来自台湾嘅。

店主推介必食：牛胸爽、炸豆皮

养心殿有唔少台湾直送嘅火锅配料，好似鸭血，台湾控必食！另外，店主大力推介牛胸爽，由于部位刁钻，所以限量供应。牛胸爽口感似软骨，爽口有嚼头，放汤灼3秒至刚刚熟就食得。台湾空运嘅炸豆皮一定要试，灼完都唔会散，有咬口兼夹豆味浓；而炸响铃係深水埗公和出品，柯打后即叫即炸，热辣辣奉上，两者都係店主推介！

白肉苦瓜係台湾特产，养心殿嘅蜂蜜白苦瓜汁可以话係落重本，用上1斤（大约2/3个）台湾大白肉苦瓜榨汁，超足料；再加蜂蜜减少苦涩，平衡甜味，食住火锅饮最正！

店主透露，位于大鸿辉中心嘅荃湾新店会喺11月开业，届时又多一个聚脚点喇！

养心殿台式养生锅

铜锣湾店：轩尼诗道418-430号友光大厦3楼（2577 4400、2577 4401）

旺角店：弥敦道607号新兴大厦1楼106-112号舖（2323 3123、2323 3698）

荃湾店：众安街55号大鸿辉（荃湾）中心17楼（2440 0300、2440 0332）（11月中开业）

备注：设加一，收现金及信用卡